अटक करण्यात आलेल्या आरोपीचे नाव स्तवन उर्फ जय शमुवेल भंडारकर (वय १९, रा. लक्ष्मी नगर, रामटेकडी, हडपसर) असे आहे. या प्रकरणी त्याच्यावर वानवडी पोलीस ठाण्यात गुन्हा दाखल करण्यात आला आहे.
गुन्हे शाखा युनिट ६ चे पोलीस अंमलदार शनिवारी आपल्या हद्दीत गस्त घालत असताना, सोशल मीडियावर गुन्हेगारी प्रवृत्तीची स्टेट्स टाकून दहशत निर्माण करणारा जय भंडारकर हा रामटेकडी परिसरात थांबलेला असल्याची गोपनीय माहिती अंमलदार शेखर काटे यांना मिळाली होती.
ही माहिती वरिष्ठ अधिकाऱ्यांना कळवून, सहाय्यक पोलीस निरीक्षक मदन कांबळे, बाळासाहेब सकटे, शेखर काटे यांच्या पथकाने स्तवन भंडारकर याला दणकट मारुती मित्र मंडळाजवळून अटक केली. झडतीदरम्यान त्याच्याकडून एक धारदार लोखंडी हत्यार जप्त करण्यात आले.
या प्रकरणी त्याच्याविरुद्ध वानवडी पोलीस ठाण्यात गु.र.नं. १९७/२०२५ अन्वये महाराष्ट्र पोलीस अधिनियम कलम ४(२५), ३७(१)(३) सह कलम १३५ अंतर्गत गुन्हा दाखल करण्यात आला आहे.
मुख्य संपादक : नितीन वायदंडे
